HEREs

Гурӯҳи миллии коршиносон оид ба ислоҳоти таҳсилоти олӣ (HEREs) дар Тоҷикистон гурӯҳи мутахассисонест, ки бо мақсади мусоидат ба рушди соҳаи таҳсилоти олӣ, ки ба ҳадафҳои равандҳои Лиссабон ва Болония мувофиқат карда, талаботҳои мушаххаси Тоҷикистонро ба назар мегиранд, фаъолият мекунанд.

Лоиҳаи HERE дар Тоҷикистон ба се самти асосӣ нигаронида шудааст:

Дастгирии сиёсати миллӣ: гурӯҳи HERES бо мақомотҳои давлатии Тоҷикистон бо мақсади навсозии ислоҳот ва стратегияҳои таҳсилоти олӣ ҳамкории зич дорад. Ҳамкориҳои мазкур ба дастгирии таҳияи барномаҳои таълимӣ, такмили идоракунии донишгоҳҳо ва дигар муассисаҳо, инчунин мусоидат ба таҳкими робитаҳо байни бахши таҳсилоти олӣ ва бахшҳои васеътари иҷтимоию иқтисодии Тоҷикистон, нигаронида шудааст.
Муколама оид ба сиёсат бо Иттиҳоди Аврупо (ИА): гурӯҳи HERE дар муҳокимаҳо бо ИА оид ба масъалаҳои ба сиёсати таҳсилоти олӣ дахлдор, иштирок мекунад. Барои мусоидат ба ин муколама, HERE метавонад бо платформаҳо дар доираи барномаи Erasmus+ ва дигар ташаббусҳои ИА ҳамкорӣ намояд.
Пешбурди лоиҳаҳои Erasmus+ ва ИА: гурӯҳ HEREs дар паҳн кардани натиҷаҳои лоиҳаҳои маблағгузории Erasmus+ ва ИА нақши муҳим мебозад. Он ҳамчунин ба ташвиқи таҷрибаҳои пешқадами муваффақ, ташаббусҳои инноватсионӣ ва истифодаи ин муваффақиятҳо барои навсозӣ ва рушди низоми таҳсилоти олии Тоҷикистон, равона карда шудааст.

Барномаи Erasmus+чӣ гуна идора карда мешавад?

* Таъмини сифат: татбиқи тадбирҳои самараноки таъмини дохилӣ ва берунии сифат.

* Низоми семарҳилавӣ: мусоидат ба ислоҳоти барномаҳои таълимӣ барои мутобиқ кардани онҳо бо низоми семарҳилавӣ (бакалавриат, магистратура, докторантура), инчунин таъмини мутобиқат бо чаҳорчӯбаи тахассусии миллӣ ва аврупоӣ (NQF/EQF) ва методологияи Tuning.

* Эътироф: дастгирии татбиқи низоми Аврупоии интиқол ва ҷамъоварии кредитҳо (соатҳои фаннӣ) (ECTS), истифодаи замимаҳо ба диплом ва Europass, инчунин риояи принсипҳои конвенсияи Лиссабон оид ба эътироф.